நேருக்குநேர் மோதிக்கொண்ட இரு பேரூந்துகள்; 19 பேர் காயம்

மாத்தறை – தலல்ல பிரதேசத்தில் இரண்டு தனியார் பேரூந்துகள் நேருக்கு நேர் மோதி விபத்துக்குள்ளானதில் 19 பேர் காயமடைந்துள்ளனர்.

இந்த விபத்து இன்று புதன்கிழமை பகல் இடம்பெற்றுள்ளதாக கந்தர பொலிஸார் தெரிவித்தனர்.

விபத்தை தொடர்ந்து பேரூந்துகளில் சிக்கியிருந்த காயமடைந்தவர்கள் பொலிஸார் மற்றும் பிரதேச மக்களின் உதவியுடன் மீட்கப்பட்டு, மாத்தறை வைத்தியசாலைக்கு கொண்டுசெல்லப்பட்டனர்.

மாத்தறையிலிருந்து திக்வெல்ல நோக்கியும், தங்காலையிலிருந்து மாத்தறை நோக்கியும் பயணித்த தனியார் பேரூந்துகளே இவ்வாறு விபத்துக்கு உள்ளாகியிருக்கின்றன.

காயமடைந்தவர்களில் மூன்று பெண்களும், அதேபோல பாடசாலை மாணவர்கள் மூவரும் இருந்துள்ளதாக தெரியவருகிறது.

இந்த விபத்து தொடர்பான மேலதிக விசாரணைகளை கந்தர பொலிஸார் மேற்கொண்டு வருகின்றனர்.