குளிரூட்டியில் மறைத்து வைக்கப்பட்ட சிறுவனின் உடல்!! -2 வருடங்களின் பின் மீட்ட பொலிஸார்: பெற்றோர் கைது-
அமெரிக்கா நாட்டின் ரிச்மன்ட் நகரில் உள்ள வீடொன்றில் மனித உடலொன்று மறைத்து வைக்கப்பட்டிருப்பதாக பொலிஸாருக்கு இரகசிய தகவல் கிடைத்துள்ளது.
இந்நிலையில் குறித்த வீட்டினை சுற்றிவைளத்த பொலிஸார் குறித்த வீட்டின் அதிகுளிரூட்டியிலிருந்து 4 வயது சிறுவனின் சடலமொன்று பொலிஸாரால் மீட்கப்பட்டுள்ளது.
4 வயதான எலைல் எடன் என்ற குறித்த சிறுவனின் சடலம், 2 வருடங்களுக்கு மேலாக அதி குளிரூட்டியில் வைக்கப்பட்டிருக்கலாம் என பொலிஸார் சந்தேகம் தெரிவித்துள்ளனர்.
குறித்த சிறுவனின் பெற்றோர்களான கெஸ்கின் வீவர் மற்றும் டீனா டி வீவர் ஆகியோர் சடலத்தை மறைத்து வைத்திருந்த குற்றச்சாட்டில் கைது செய்யப்பட்டடுள்ளனர்.
அச்சிறுவனின் மரணத்துக்கு காரணம் கொலையா அல்லது இயற்கை மரணமா என்பது தொடர்பில் உடற்கூற்று பரிசோதனையின் பின்னரே தெரியவரும் என்று அந்நாட்டு பொலிஸார் மேலும் தகவல் தெரிவித்துள்ளனர்.
