துப்பாக்கி முனையில் 150 பாடசாலை மாணவர்கள் கடத்தல்!! -விடுவிக்க பெரும் தொகை பணம் கேட்டு மிரட்டல்-

ஆப்பிரிக்க நாடான நைஜீரியாவில் துப்பாக்கி முனையில் 150 பாடாசலை மாணவர்கள் கடத்திச் செல்லப்பட்டுள்ள சம்பவம் அங்கு பெரும் அதிர்ச்சியை ஏற்படுத்தியுள்ளது.

கடுனா பகுதியிலுள்ள பெத்தேல் பாப்டிஸ்ட் என்ற பாடசாலைக்குள் திடீரென ஆயுதங்களுடன் புகுந்த மர்ம கும்பல், அங்கு கல்வி கற்றுக் கொண்டிருந்த மாணவர்கள் துப்பாக்கி முனையில் கடத்திச் சென்றுள்ளது. 

இவ்வாறு ஆயுததாரிகளால் கடத்தப்பட்டவர்களில் ஒரு பெண் ஆசிரியர் உட்பட 26 பேர் மட்டும் இதுவரை மீட்கப்பட்டுள்ளனர். ஏனையவர்களை விடுவிக்க கடத்தல் சம்பவத்தில் ஈடுபட்ட ஆயுததாரிகள் பெரும் தொகை பணத்தினை கப்பமாக கோரியுள்ளதாக அங்கிருந்து வரும் தகவல்கள் தெரிவிக்கின்றன.