அணு ஆயுதங்களை அதிவேகமாக குவிக்கும் சீனா!! -செயற்கைக் கோள் புகைப்படங்களுடன் தகவல் வெளியிட்ட அமெரிக்கா-

சீனா நாட்டின் கன்சு மாகாணத்தில் 100ற்கும் மேற்பட்ட அணு ஆயுத ஏவுகணைக் கிடங்குகளை வைத்திருப்பதாக வொசிங்டன் போஸ்ட் அண்மையில் செய்தி வெளியிட்டது.

இம்மாகாணத்தில் உள்ள 119 கட்டுமான தளங்கள் அணுசக்தி ஏவுகணைகளுக்கான ஏவுதள வசதிகளை கொண்டிருப்பது போன்று செயற்கைக் கோள் புகைப்படங்கள் மூலம் தெரியவருவதாகவும் அந்தச் செய்தியில் தெரிவிக்கப்பட்டுள்ளது.

இந்நிலையில் இந்த விவகாரம் குறித்து வெள்ளை மாளிகையில் நேற்று செய்தியாளர்களிடையே பேசிய அமெரிக்கா வெளியுறவுத்துறை செய்தித் தொடர்பாளர் நெட் பிரைஸ், சீனாவின் அணு ஆயுத குவிப்பு குறித்து அமெரிக்கா கவலை கொண்டுள்ளதாகவும் அணு ஆயுத கட்டமைப்பை பலப்படுத்துவதில்,எதிர்பார்த்ததை விட சீனா மிக விரைவாக முன்னேறி வருகிறது எனவும் கூறினார்.