கனடாவில் கடும் வெப்பம்!! -பலி எண்ணிக்கை 486 ஆக உயர்வு-

கனடா நாட்டில் கடந்த சில நாட்களாக நிலவிவரும் கடும் வெப்பம் காரணமாக பலியானோரின் எண்ணிக்கை 486 ஆக அதிகரித்துள்ளது என்று அங்கிருந்து வரும் தகவல்கள் தெரிவிக்கின்றன. 

அந்நாட்டின் மேற்கு பகுதியில் அமைந்துள்ள பிரிட்டிஸ் கொலம்பியா மாகாணத்தில் கடந்த சில நாட்களாக கடும் வெப்ப அலை வீசி வருகின்றது. குறிப்பாக கடும் வெப்பத்தால் தார் பாதைகள் உருகும் நிலை ஏற்பட்டுள்ளது. 

அதீத வெப்பத்தால் பொதுமக்கள் வீடுகளை விட்டு வெளியேற முடியாத நிலை ஏற்பட்டுள்ளது. வெப்பத்தின் தாக்கத்தைத் தணித்துக் கொள்ளும் பொருட்டு வீதியோரங்களில் நீர்த்தொட்டிகள் அமைக்கப்பட்டுள்ளதாக சர்வதேச தகவல்கள் தெரிவிக்கின்றன.