பல கிலோ மீட்டர் தூரத்திற்கு வலை பின்னிய சிலந்தி!! -அச்சத்தின் மக்கள்-

ஆஸ்திரேலியாவில் ஆயிரக்கணக்கான சிலந்திகள் ஒன்றிணைந்து பல கிலோ மீற்றர் தூரத்திற்கு வலை பின்னலை ஏற்படுத்தியிருப்பது அச்சத்துடன் பார்க்கப்படுகிறது.

அந்நாட்டின் விக்டோரியா மாகாணத்தில் கடந்த சில வாரங்களுக்கு முன் கனமழையால் பெருவெள்ளம் ஏற்பட்டது. தற்போது அங்கு பெருக்கெடுத்த வெள்ளம் முற்றிலும் வடிந்துள்ள நிலையில், சிலந்தி வலை அப்பகுதி மக்களை அச்சப்படுத்தியுள்ளது.

கிப்ஸ்லேண்ட் என்ற இடத்தில் மெல்லிய பட்டாடை போல சில கிலோ மீற்றர் தூரத்திற்கு சிலந்தி வலை பின்னப்பட்டுள்ளது. ஆயிரக்கணக்கான சிலந்திகள் இதனைக் கட்டியிருப்பதாக ஆய்வாளர் கூறுகின்றனர்.

குளிர்ந்த வானிலை காரணமாக ஆயிரக்கணக்கான சிலந்திகள் ஒன்றிணைந்து வலை கட்டியிருப்பதாகவும் அவர்கள் மேலும் தகவல் தெரிவித்துள்ளனர்.