அடுத்தடுத்து குண்டுவெடிப்பு தாக்குதல்!! -ஆப்கானிஸ்தானில் பலர் பலி-

ஆப்கானிஸ்தான் நாட்டின் காபுல் நகரில் அடுத்தடுத்து நடந்த குண்டுவெடிப்பு தாக்குதலில் பலர் கொல்லப்பட்டுள்ளதாக தெரிவிக்கப்பட்டுள்ளது.

அந்நாட்டில் தலைநகர் காபுலில் இன்று மாலை 4 மணியளவில் அடுத்தடுத்து வெடிகுண்டு தாக்குதல் நடைபெற்றது. வீதியில் சென்றுகொண்டிருந்த கார்களை குறிவைத்து குண்டுவெடிப்பு தாக்குதல் நடத்தப்பட்டது. 

இரண்டிற்கும் மேற்பட்ட பகுதிகளில் வெடிகுண்டு தாக்குதல் நடைபெற்றுள்ளது. இந்த தாக்குதலில் பலர் பலியாகி இருக்கலாம் என்றும் முதற்கட்ட தகவல் வெளியாகியுள்ளது.

காபுலின் மேலும் சில பகுதிகளில் குண்டுவெடிப்பு தாக்குதல் நடத்தப்படலாம் என்று அச்சம் நிலவுவதால் பாதுகப்பு பலப்படுத்தப்பட்டுள்ளது. இந்த குண்டுவெடிப்பு தாக்குதலுக்கு இதுவரை எந்த பயங்கரவாத அமைப்பும் பொறுப்பேற்கவில்லை என்றாலும் தலீபான்களே இந்த தாக்குதலை நடத்தி இருக்கலாம் என பாதுகாப்பு படையினர் சந்தேகிக்கின்றனர்.