இளவரசர் ஹாரி-மேகன் தம்பதிக்கு பெண் குழந்தை!!

பிரிட்டன் இளவரசர் ஹாரியின் மனைவி மேகன் மார்க்கல், நேற்று ஞாயிற்றுக் கிழமை பெண் குழந்தையை பெற்றெடுத்தார். இந்த குழந்தைக்கு, 'லில்லிபெட்' என பெயர் சூட்டப்பட்டுள்ளது.

இரண்டாம் எலிசபெத்தின் மகன் இளவரசர் சார்லசுக்கு, வில்லியம், ஹாரி என, இரண்டு மகன்கள் உள்ளனர். இதில், இளைய மகனான இளவரசர் ஹாரி, பிரபல நடிகை மேகன் மார்க்கலை, 2018 இல் திருமணம் செய்தார்.

இந்த தம்பதிக்கு, ஆர்ச்சி என்ற, 2 வயது ஆண் குழந்தை உள்ளது. இவர்கள், அரச குடும்ப பொறுப்புகளை துறந்து, அமெரிக்காவின் கலிபோர்னியா மாகாணத்தில் வசித்து வருகின்றனர்.

இந்நிலையில், மேகனுக்கு நேற்று ஞாயிற்றுக்கிழமை பெண் குழந்தை பிறந்தது. 3.17 கிலோ எடையில் பிறந்த இந்த குழந்தைக்கு, 'லில்லிபெட்' என பெயர் சூட்டப்பட்டுள்ளது. இதை, ஹாரி - மேகன் தம்பதியின் செய்தித் தொடர்பாளர், உறுதிப்படுத்தினார். இருப்பினும் இந்த குழந்தையின் புகைப்படங்கள் வெளியிடப்படவில்லை.