இந்தியாவில் குறையும் கொரோனா!! -ஒரு இலட்சத்திற்குள் வந்தது தொற்றாளர் எண்ணிக்கை-

இந்தியாவில் கொரோனா வைரசின் 2 ஆம் அலையின் தாக்கம் படிப்படியாக குறைந்து வரும் நிலையில் பல்வேறு மாநிலங்கள் கட்டுப்பாடுகளை தளர்த்துவதற்கான நடவடிக்கை மேற்கொள்ளப்பட்டு வருகின்றது. 

இந்நிலையில், அந்நாட்டின் கொரோனா பாதிப்பு நிலவரம் குறித்து மத்திய சுகாதார அமைச்சகம் அறிக்கை வெளியிட்டுள்ளது. அதன்படி அங்கு கடந்த 24 மணி நேரத்தில் 1,00,636 பேருக்கு கொரோனா தொற்று உறுதி செய்யப்பட்டுள்ளது. இதனால் மொத்த பாதிப்பு 2,89,09,975 ஆக உயர்ந்துள்ளது. 

மேலும் ஒரே நாளில் 2427 பேர் கொரோனாவுக்கு பலியாகி உள்ளனர். இதன் மூலம் கொரோனாவால் இதுவரை உயிரிழந்தவர்களின் மொத்த எண்ணிக்கை 3,49,186 ஆக உயர்ந்துள்ளது. 

கொரோனா பாதிப்பில் இருந்து குணமடைந்தவர்களின் எண்ணிக்கை 2,71,59,180 ஆக உயர்ந்துள்ளது. நேற்று ஒரே நாளில் 1,74,399 பேர் குணமடைந்துள்ளனர்.