தடுப்பூசி போட்டுக்கொண்டவர்கள் சுற்றுலா வரலாம்!! -அழைப்பு விடுக்கும் பிரான்ஸ்-

உயிர் கொல்லி கொரோனா வைரஸ் தொற்று நோய்க்கான தடுப்பூசி செலுத்திக் கொண்டவர்கள் தங்கள் நாட்டுக்கு சுற்றுலா வரலாம் என்று பிரான்ஸ் அழைப்பு விடுத்துள்ளது.

இவ்விடயம் தொடர்பில் அந்நாட்டு அதிகாரிகள் தகவல் தெரிவிக்கையில்:- 

நாட்டில் சுற்றுலா பயணிகளுக்கு விதிக்கப்பட்டிருந்த தடை தளர்த்தப்படுகிறது. இனிவரும் நாட்களில் கொரோனா தடுப்பூசி செலுத்திக் கொண்டவர்கள் சுற்றுலா வர அனுமதிக்கப்படுவார்கள். சுற்றுலா வருவாயை மேம்படுத்தும் வகையில் இந்த அறிவிப்பு வெளியிடப்பட்டுள்ளது.

சுற்றுலா வருபவர்கள் தனிமைப்படுத்தப்பட மாட்டார்கள். இருப்பினும் அண்மையில் எடுக்கப்பட்ட கொரோனா பரிசோதனை நெகட்டிவ் சான்றிதழ் மற்றும் தடுப்பூசி போட்டதற்கான சான்றிதழ் இரண்டையும் வைத்திருக்க வேண்டும் என்று குறிப்பிட்டுள்ளனர்.