நாட்டிலுள்ள சகல விமான நிலையங்களும் திறக்கப்படுகிறது..! வெளிநாட்டவர்கள் உள்நுழையவும் அனுமதி..

நாட்டில் கொரோனா அபாயம் காரணமாக மூடப்பட்டிருக்கும் சகல விமான நிலையங்களும் நாளை தொடக்கம் திறக்கப்படவுள்ளதுடன், வெளிநாட்டவர்கள் நாட்டுக்குள் பிரவேசிக்க அனுமதி வழங்கப்பட்டிருக்கின்றது. 

கடந்த மே மாதம் 21ஆம் திகதி விதிக்கப்பட்ட குறித்த தடை உத்தரவு இன்று நள்ளிரவுடன் நிறைவடையவுள்ளது. அதன்படி, நாட்டிலுள்ள அனைத்து விமான நிலையங்களையும் மீள திறக்க தீர்மானிக்கப்பட்டுள்ளதாக 

சிவில் விமான சேவைகள் இராஜாங்க அமைச்சர் டீ.வி.சானக்க தெரிவித்தார். எனினும் இலங்கை வரும் விமானமொன்றில் வரக்கூடிய ஆகக்கூடிய பயணிகளின் எண்ணிக்கை 75 ஆக மட்டுப்படுத்தப்பட்டுள்ளமை சுட்டிக்காட்டத்தக்கது. 

எவ்வாறாயினும், கடந்த சில நாட்களுக்குள் இந்தியாவுக்குச் சென்ற பயணிகளுக்கான கட்டுப்பாடுகள் மேலதிக அறிவிப்பு வரும் வரை தொடரும் என்று 

இலங்கையின் சிவில் விமானப் போக்குவரத்து ஆணையத்தின் தலைவர் உபாலி தர்மதாச தெரிவித்திருந்தமை குறிப்பிடத்தக்கது.