பாடசாலைக்குள் புகுந்து துப்பாக்கி முனையில் 200 குழந்தைகள் கடத்தல்!! -நைஜீரியாவில் அதிர்ச்சி சம்பவம்-

நைஜீரியா நாட்டில் உள்ள பாடசாலையில் துப்பாக்கி முனையில் 200 குழந்தைகள் கடத்தப்பட்டனர். இது குறித்து அந்நாட்டு பொலிஸார் தீவிர விசாரணை நடத்தி வருகின்றனர்

அந்நாட்டின் தெகினா என்ற பகுதியில் சாலிகு டாங்கோ என்ற இஸ்லாமியா பாடசாலை உள்ளது. நேற்று ஞாயிற்றுக்கிழமை மதியம் திடீரென மோட்டார் சைக்கிள்களில் மர்ம நபர்கள் சிலர் உள்ளே நுழைந்தனர். 

பாடாசலைக்குள் நுழைந்த மர்ம நபர்கள் துப்பாக்கிச்சூடு நடத்தினர். பின்னர்  பாடசாலையில் கல்விகற்றுக் கொண்டிருந்த 200 மாணவர்களை துப்பாக்கி முனையில் கடத்திச் சென்றனர். 

குறித்த பாடசாலையில் இருந்து எத்தனை மாணவர்கள் கடத்தப்பட்டனர் என உறுதிப்படுத்த வேண்டி உள்ளது என நைஜர் நகர பொலிஸ் அதிகாரி கூறினார். 

அந்நாட்டில் மர்ம நபர்கள் பாடசாலைகளுக்குள் புகுந்து மாணவர்களை கடத்தி செல்வதும், பின்னர் பேச்சுவார்த்தை நடத்தி அவர்களை அரசு விடுவித்து கொண்டு வருவதும் அடிக்கடி நிகழ்ந்து வருகிறது.