இங்கிலாந்து பிரதமர் போரிஸ் ஜான்சன் ரகசிய திருமணம்!! -தன்னைவிட 24 வயது குறைந்த காதலியை கரம்பிடித்தார்-
இங்கிலாந்து நாட்டின் பிரதமர் போரிஸ் ஜான்சன் தனது காதலி கேரி சைமண்ட்ஸை ரகசியமாக திருமணம் செய்து கொண்டார் என்று தெரிவிக்கப்பட்டுள்ளது.
56 வயதான இங்கிலாந்து பிரதமர் போரிஸ் ஜான்சன். தன்னை விட 24 வயது குறைந்த கேரி சைமண்ட்ஸ் என்ற பெண்ணை காதலித்து வந்தார். அந்த பெண்ணை திருமணம் செய்து கொள்ளாமல், அவருடன் சேர்ந்து வாழ்ந்து வருகிறார்.
இவர்களுக்கு கடந்த வருடம் குழந்தை ஒன்று பிறந்தது. இதையடுத்து, தாங்கள் இருவரும் திருமணம் செய்து கொள்ளப்போவதாக அறிவித்தனர். இதன்படி இருவரும் ரகசிய திருமணம் செய்து கொண்டார் என அந்நாட்டு ஊடகங்கள் தெரிவித்துள்ளன.
லண்டனில் உள்ள ஒரு கிறிஸ்தவ மத வழிபாட்டு தளத்தில் இந்த திருமணம் நடைபெற்றது. திருமணத்தில் மிக சிறிய எண்ணிக்கையிலான நபர்கள் மட்டுமே பங்கேற்றுள்ளனர் என்று ஊடகங்கள் மேலும் தகவல் தெரிவித்துள்ளன.
போரிஸ் ஜான்சனுக்கு ஏற்கனவே 2 முறை திருமணம் நடந்து விவாகரத்து செய்துள்ளமை குறிப்பிடத்தக்கது.
