90 நாட்களுக்குள் கொரோனா முதலில் எங்கிருந்து பரவியது என கண்டுபிடியுங்கள்!! -உளவுத்துறை அதிகாரிகளுக்கு ஜோ பைடன் அதிரடி உத்தரவு-

உயிர் கொல்லி கொரோனா வைரஸ் முதலில் எங்கிருந்து பரவியது என்பதை 90 நாட்களில் கண்டுபிடித்து அறிக்கை சமர்ப்பிக்க வேண்டும் என்று உளவுத்துறை அதிகாரிகளுக்கு அமெரிக்க ஜனாதிபதி ஜோ பைடன் உத்தரவிட்டுள்ளார்.

இந்த விசாரணைகளுக்கு ஒத்துழைக்கும்படி அமெரிக்காவின் மருத்துவ ஆய்வுக் கூடங்களுக்கும் அவர் அதிரடி உத்தரவினை பிறப்பித்துள்ளார். 

சீனா நாட்டில் உள்ள ஆய்வுக் கூடம் ஒன்றிலிருந்துதான் கொரோனா வைரஸ் பரவியது என்று கூறப்படுவது குறித்தும் விசாரிக்க ஜோ பைடன் உத்தரவிட்டுள்ளார். 

கொரோனாவின் தோற்றம் குறித்த சர்வதேச விசாரணைகளுக்கு ஒத்துழைக்க வேண்டும் என்றும் சீனா அரசை ஜோ பைடன் வலியுறுத்தியுள்ளார் .

கொரோனாவின் மூலத்தை கண்டறிய உள்நாட்டில் எழுந்துள்ள நெருக்குதல்கள் மற்றும் சர்வதேச நிர்ப்பந்தங்களால் ஜோ பைடன் இந்த உத்தரவைப் பிறப்பித்ததாக கூறப்படுகிறது.