காங்கோவில் திடீரென வெடித்த எரிமலை!! -31 பேர் பலி: 170 குழந்தைகள் உள்பட பலர் மாயம்-

காங்கோ குடியரசு நாட்டில் திடீரென எரிமலை வெடித்ததில் ஏற்பட்ட அழிவுகளில் சிக்கி 31 பேர் உயிரிழந்துள்ள அதே நேரம் 170 குழந்தைகள் உள்பட நூற்றுக்கணக்கானோர் காணாமலும் போயுள்ளனர்.

அந்நாட்டின் நையிராகோங்கோ எரிமலை கடந்த சனிக்கிழமை வெடிப்புக்குள்ளானது.  இதில் இருந்து வெளியேறிய எரிமலை குழம்பு நகர் முழுவதும் பரவியது. இதில் 3 கிராமங்கள் முற்றிலும் அழிந்தன.

எரிமலை சாம்பல் பல அடி உயரத்திற்கு வானில் பரவி காட்சியளித்தது. 2 கி.மீ. தூரம் சாலையில் எரிமலை குழம்புகள் பரவியது. இதனால், மக்களுக்கு உணவு சொண்டு செல்லும் முக்கிய பாதை தடைப்பட்டது. இதனால் 5 லட்சம் பேர் நீர் மற்றும் மின் இணைப்பு இன்றி தவிக்கின்றனர்.

எரிமலை வெடிப்புக்கு இதுவரை 31 பேர் பலியாகி உள்ளனர். மேலும் 170 குழந்தைகள் காணாமல் போயிருக்க கூடும் என ஐ.நா. குழந்தைகள் நிதி அமைப்பு தெரிவித்து உள்ளது.