உலகளவில் கொரோனா தொற்று 16.84 கோடியாக உயர்வு!! -34 இலட்சத்து 98 ஆயிரத்து 875 பேர் பலி-

உலகம் முழுவதும் கொரோனா தொற்றுக்கு உள்ளாபவர்களின் எண்ணிக்கையும், உயிரிழப்போரின் எண்ணிக்கையும் நாளுக்கு நாள் அதிகரித்துச் செல்லுகின்றது. தடுப்பூசி போடும் பணிகள் தீவிரமாக மேற்கொள்ளப்பட்டுவரும் நிலையிலும் கொரோனா தொற்று நாளுக்கு நாள் அதிகரித்து வருகிறது.

இந்நிலையில் தற்போதைய நிலவரப்படி, உலகம் முழுவதும் கொரோனாவால் பாதிக்கப்பட்டோர் எண்ணிக்கை 16.84 கோடியை தாண்டி உள்ளது. தொற்றுக்கு உள்ளான 15,00,09,683 பேர் இதுவரை குணமடைந்துள்ளனர். 

மேலும் வைரஸ் தொற்றுக்கு உள்ளாகி இதுவரை 34 இலட்சத்து 98 ஆயிரத்து 875 பேர் உயிரிழந்துள்ளனர்.

கொரோனா தொற்றுக்கு தற்போது 1,49,88,128 பேர் சிகிச்சை பெற்று வருகின்றனர். சிகிச்சை பெறுபவர்களில் 96,283 பேரின் நிலைமை கவலைக்கிடமாக உள்ளது.