சீனாவில் அடுத்தடுத்து வலுவான நிலநடுக்கம்;!! -3 பேர் பலி: ஆயிரக்கணக்கானோர் பாதிப்பு-

சீனா நாட்டின் வடமேற்கு மற்றும் தென்மேற்கு பகுதிகளில் அடுத்தடுத்து வலுவன நில அதிர்வுகள் ஏற்பட்டதால் நடந்த அனர்த்தத்தில் சிக்கி 3 பேர் உயிரிழந்துள்ளனர். 

மேலும் இச் சம்பவங்களின் போது 27ற்கும் மேற்பட்டவர்கள் பலத்த காயங்களுக்கு உள்ளான நிலையில் சிகிச்சைக்காக வைத்தியசாலையில் அனுமதிக்கப்பட்டுள்ளனர். 

அந்நாட்டின் தென்மேற்கு பகுதியான - யுன்னான் மாகாணத்தில் உள்ள தலி பாய் தன்னாட்சி பிராந்தியத்தில் உள்ள யாங்பி யி பகுதியில் நேற்று வெள்ளிக்கிழமை இரவு முதல் இன்று சனிக்கிழமை அதி தொடர்ச்சியாக மூன்று முறை வலுவான நில அதிர்வுகள் ஏற்பட்டன.

நிலநடுக்கத்தால் இன்று காலை 6 மணி நிலவரப்படி 3 பேர் உயிரிழந்துள்ளனர். மேலும் 27 பேர் காயமடைந்தனர் என்று உள்ளூர் அதிகாரிகள் தெரிவித்தனர்.