மிஸ் யுனிவர்ஸ் அழகியாக மெக்சிகோ ஆண்ட்ரியா மெஸா தெரிவு!!

2021 ஆம் ஆண்டுக்கான மிஸ் யுனிவர்ஸ் அழகி போட்டியில் மெக்சிகோ நாட்டின் ஆண்ட்ரியா மெஸா தெரிவு செய்யப்பட்டுள்ளார். 

69 ஆவது ஆண்டுக்கான பிரபஞ்ச அழகிப் போட்டி கொரோனா வைரஸ் பரவலுக்கு இடையில் மிகுந்த பாதுகாப்புடன் புளோரிடாவில் ஹாலிவுட் அரங்கில் உள்ள ஹோட்டல் அண்ட் கேசினோவில் நடந்தது. 

74 நாடுகளைச் சேர்ந்த பெண்கள் இந்தப் போட்டியில் கலந்து கொண்டனர். இதில் மெக்சிகோ நாட்டை சேர்ந்த 26 வயதான ஆண்ட்ரியா மெஸாவும், பிரேசிலின் ஜூலியா காமாவும் (28) இறுதிச் சுற்றுக்குத் தகுதி பெற்றனர். இதில் பிரபஞ்ச அழகியாக மெக்சிகோவின் 26 வயதான ஆண்ட்ரியா மெஸா அறிவிக்கப்பட்டார்.