அதிஸ்ரலாப சீட்டிழுப்பில் 188 கோடி பரிசு!! -சீட்டை துலைத்ததால் பரிசுத் தொகையை பெற திக்குமுக்காடும் பெண்-

அமெரிக்காவில் அதிஸ்ரலாப சீட்டில் 188 கோடி ரூபாய் பரிசு விழுந்தும் அதனை பெற்றுக் கொள்ள முடியாமல் பெண் ஒருவர் தவித்து வருகிறார்.

கலிபோர்னியா மாகாணத்தில் விற்கப்பட்ட சூப்பர் லோட்டோ பிளஸ் என்ற அதிஸ்ரலாப சீட்டிழுப்பு சீட்டை அங்கு வசிக்கும் பெண் ஒருவர் வாங்கியுள்ளார். இந்த சீட்டிழுப்பின் பரிசுத் தொகை 188கோடி ரூபாயாகும்.

இந்த பரிசுச் சீட்டை வாங்கிய பெண் அதனை தொலைத்து விட்டார். இந்நிலையில் அவருக்கு பரிசு கிடைத்த விவரம்  வெளிவந்த பின் தான் வாங்கிய அதிஸ்ரலாப சீட்டை தேடி உள்ளார். 

இருப்பினும் அது கிடைக்காத காரணத்தினால் சீட்டு விற்பனை செய்த நிறுவனத்திற்கு சென்ற அந்த பெண் சீட்டு வாங்கிய சி.சி.டி.வி பதிவை காண்பித்து பரிசுத் தொகை கேட்டுள்ளார்.

ஆனால் அந்த நிறுவனம் சீட்டு இருந்தால் மட்டுமே பரிசுத் தொகை வழங்கப்படும் என்று திட்டவட்டமாக கூறிவிட்டது.