கொரோனா அதிகரிப்பால் நிலைகுலைந்த இந்தியா!! -அவசர உதவிக்கரம் நீட்டும் 40 இற்கு மேற்பட்ட நாடுகள்-

கொரோனா நெருக்கடியால் மோசமாகப் பாதிக்கப்பட்டுள்ள இந்தியாவுக்கு உலகின் வல்லரசு நாடுகளான அமெரிக்கா, சீனா, ரஸ்யா உள்ளிட்ட 40ற்க்கும் மேற்பட்ட நாடுகள் உதவிக் கரம் நீட்டியுள்ளன.

பிரான்ஸ், ஜேர்மனி, இங்கிலாந்து உள்ளிட்ட நாடுகளும் அவசரமாகத் தேவைப்படும் ஒக்சிஜன் சிலிண்டர்கள் உள்ளிட்ட இந்தியாவுக்கான மருத்துவ உதவிப் பொருட்களை விமானங்கள் மூலம் அவசரமாக அனுப்பியுள்ளன.

சுமார் 22 தொன் எடை கொண்ட மருந்து மற்றும் மருத்துவ உபகரணங்களுடன் 2 ரஸ்ய விமானங்கள் நேற்று டெல்லி வந்தடைந்தன.

அமெரிக்காவில் இருந்து ஒக்சிஜன் சிலிண்டர்கள் மற்றும் கொரோனா பரிசோதனை கருவிகள் முதல் கட்டமாக இந்தியா வந்து சேர்ந்தன.