மகனின் பிறந்த நாளுக்கு போதை விருந்து கொடுத்த பிரபல பாடசாலை ஆசிரியை உட்பட 12 பேர் கைது..! போதைப் பொருட்களும் மீட்பு..

மகனின் பிறந்தநாளுக்கு போதைப் பொருட்களுடன் விருந்து வழங்கிய ஆசிரியை உட்பட 12 பேர் வெள்ளவத்தை பொலிஸாரினால் கைது செய்யப்பட்டிருக்கின்றனர். 

அவர்களிடமிருந்து போதைப்பொருட்களை மீட்டுள்ளனர். தனது மகனின் பிறந்த நாளிற்காக களியாட்ட நிகழ்வை ஏற்பாடு செய்த சர்வதேச பாடசாலையொன்றின் ஆசிரியையான தாயையும் 

11 இளைஞர்களையும் கைது செய்துள்ளதாக தெரிவித்துள்ள பொலிஸார் அவர்களிடமிருந்து போதைப்பொருட்களை மீட்டுள்ளதாகத் தெரிவித்துள்ளனர்.

வீடொன்றில் களியாட்ட நிகழ்வுகள் இடம்பெறுகின்றன, இளைஞர்கள் போதைப்பொருள் பாவனையில் ஈடுபட்டுள்ளனர் என்ற தகவலைத் தொடர்ந்து 

அந்த வீட்டினை சோதனையிட்ட வெள்ளவத்தைப் பொலிஸார் அங்கு போதைப்பொருட்களை மீட்டுள்ளனர். ஆசிரியையின் இரு புதல்வர்களும் கைது செய்யப்பட்டுள்ளனர்.

ஐஸ் மற்றும் மரிஜுவானா வகை போதைப்பொருட்களை மீட்டுள்ளதாகத் தெரிவித்துள்ள பொலிஸார் 41 வயது ஆசிரியை உட்பட இரு பெண்களையும் 

18 முதல் 26 வயதிற்கு உட்பட்ட இளைஞர்களையும் கைது செய்துள்ளதாகத் தெரிவித்துள்ளனர்.