பயங்கரவாத தடைச்சட்டத்தின் கீழ் றிஷாட் மற்றும் அவருடைய சகோதரர் 72 மணிநேரம் தடுத்துவைத்து விசாரிக்கப்படுவர்..! சரத் வீரசேகர கருத்து..

நாடாளுமன்ற உறுப்பினர் றிஷாட் பதியூதீன் மற்றும் அவருடைய சகோதரர் பயங்கரவாத தடைச்சட்டத்தின் கீழ் 72 மணி நேரம் தடுத்துவைக்கப்படுவார். என பொதுமக்கள் பாதுகாப்பு அமைச்சர் சரத் வீரசேகர கூறியிருக்கின்றார். 

ஈஸ்டர் குண்டு தாக்குதலை நடத்தியவர்களுக்கு உதவிய குற்றச்சாட்டில் நாடாளுமன்ற உறுப்பினர் ரிஷாட் பதியுதீன் மற்றும் அவரது சகோதரர் ரியாஜ் பதியுதீன் ஆகியோர் இன்று காலை கொழும்பில் கைது செய்யப்பட்டனர். 

இந்நிலையில் அவர்கள் விசாரணைக்காக 72 மணி நேரம் தடுத்து வைக்க சி.ஐ.டி.க்கு அனுமதி உள்ளது என சரத் வீரசேகர தெரிவித்துள்ளார்.

பயங்கரவாத தடுப்பு சட்டத்தின் விதிகளின் கீழ் குறித்த இருவரும் கைது செய்யப்பட்டதாக பொலிஸ் பேச்சாளர் அஜித் ரோஹண தெரிவித்துள்ளார்.