நடுக்கடலில் கவிழ்ந்த படகு!! -தஞ்சம் கோருவதற்கு சென்ற 130 பேர் மாயம்-

லிபியாவில் இருந்து ஐரோப்பா நோக்கிச் சென்ற படகு நடுக்கடலில் கவிழ்ந்து விபத்துக்குள்ளானதில் 130 பேர் வரை உயிரிழந்திருக்கலாம் என அஞ்சப்படுகிறது.

திரிபோலியிலிருந்து ஐரோப்பிய நாடுகளுக்குச் செல்வதற்காக நூற்றுக்கும் மேற்பட்டவர்கள் காற்றடைத்த ரப்பர் படகுகளில் சென்றனர். குறித்த படகு மத்திய தரைக்கடல் பகுதியில் சென்று கொண்டிருந்த போது, விபத்துக்குள்ளானது.

குறித்த படகில் பயணம் செய்த 130 பேர் வரை நீரில் மூழ்கி காணாமல் போயுள்ளனர். குறித்த விபத்துச் சம்பவத்தில் சிக்கிய 10ற்கும் மேற்பட்டவர்களின் சடலங்கள் தற்போதுவரை மீட்கப்பட்டுள்ளது. ஏனையவர்களை தேடும் பணி நடந்து வருவதாக அதிகாரிகள் தெரிவித்துள்ளனர்.