கடைக்குள் புகுந்து துப்பாக்கி சூடு!! -ஒருவர் பலி: அமெரிக்காவில் தொடரும் கொலை சம்பவங்கள்-

அமெரிக்கா நாட்டில் வீட்டுப் பொருட்கள் விற்பனை செய்யும் கடையில் நடத்தப்பட்ட துப்பாக்கி சூட்டில் கொல்லப்பட்டுள்ளதுடன், மேலும் 3 பேர் படு காயமடைந்தனர்.

அந்நாட்டின் மிசோரி மாநிலத்தில் கோஸ்கோனங் நகரில் ஸ்னேப்பி மார்ட் என்ற பெயரில் வீட்டுப் பொருட்களை விற்பனை செய்யும் கடை ஒன்று உள்ளது. 

குறித்த கடைக்குள் திடீரென புகுந்த மர்ம நபர் ஒருவர் அங்கிருந்தவர்கள் மீது துப்பாக்கியால் சுட்டுள்ளார். இதில், ஒருவர் கொல்லப்பட்டார். மேலும் 3 பேர் பலத்த காயமடைந்தனர். காயமடைந்தவர்கள் அங்கிருந்து மீட்கப்பட்டு வைத்தியசாலைக்கு சிகிச்சைக்காக கொண்டு செல்லப்பட்டனர்.

இச் சம்பவம் தொடர்பில் மிசோரி பொலிஸார் விசாரணை மேற்கொண்டு சந்தேகத்திற்குரிய 28 வயது நபரொருவரை கைது செய்துள்ளனர்.