சுரங்கப் பாதைக்குள் தடம்புரண்ட ரயில்!! -34 பேர் பலி: 72 பேர் சுரங்கத்திற்குள் சிக்கினர்-
தாய்வான் நாட்டில் 350 பயணிகளுடன் சுரங்கப்பாதையில் பயணித்துக் கொண்டிருந்த ரயில் ஒன்று திடீரென தடம் புரண்டதில் 34 பேர் உயிரிழந்தனர் என்று தெரியவந்துள்ளது.
இன்று வெள்ளிக்கிழமை நடந்த இவ்விபத்துச் சம்பவத்தில் மேலும் 72 பேர் சுரங்கத்திற்குள் சிக்கித் தவித்து வருகின்றனர் என்றும் அங்கிருந்து வரும் தகவல்கள் தெரிவிக்கின்றன.
சுரங்கத்துக்குள் சிக்கியுள்ளவர்களை மீட்கும் பணி போர்க்கால அடிப்படையில் முன்னெடுக்கப்பட்டு வருகிறது.
மிக மோசமாக சேதமடைந்த சுரங்கப்பாதையின் உள்ளே தடம்புரண்டுள்ள ரயிலில் இருந்து பயணிகளை மீட்கும் முயற்சியில் அதிகாரிகள் கடும் சிரமங்களை எதிர்கொண்டு வருவதாக அந்நாட்டு மத்திய அவசரகால செயல்பாட்டு மையம் தெரிவித்துள்ளது.
இவ்விபத்தில் உயிரிழந்தவர்களில் ரயில் ஓட்டுநரும் அடங்குவதாக அந்நாட்டு ஊடகங்கள் செய்தி வெளியிட்டுள்ளன.
