கண்ணில் பட்டவர்களை கத்தியால் குத்திய இளைஞர்!! -பெண்ணொருவர் பலி: 6 பேர் காயம்-
கனடா வடக்கு வன்கூவரில் உள்ள நூலகம் மற்றும் அதன் சூழலில் ஒருவரின் கத்திக் குத்துக்கு இலக்காகி பெண் ஒருவர் உயிரிழந்ததுடன், 6 பேர் காயமடைந்துள்ளனர்.
கத்தியால் குத்தியவர் எனச் சந்தேகிக்கப்படும் 20 வயது இளைஞன் கைது செய்யப்பட்டு தடுப்புக் காவலில் வைத்து விசாரணைக்கு உட்படுத்தப்பட்டுள்ளார்.
இந்தக் கொலை மற்றும் கொலை முயற்சிகளுக்கான நோக்கம் என்ன? என்பது தொடர்பில் இதுவரை தகவல்கள் ஏதும் இதுவரை வெளியாகவில்லை.
சந்தேக நபர் வன்கூவரில் உள்ள நூலக சூழலில் வைத்து முதலில் ஒரு பெண்ணை கத்தியால் குத்தியுள்ளார். அதன் பின் அந்தச் சூழலில் சில மீற்றர்கள் தொலைவில் வேறு சிலரும் குத்தப்பட்டனர் என சம்பவத்தை நேரில் பார்த்தவர்கள் தெரிவித்துள்ளனர்.
