இந்தோனேசியா தேவாலயத்தின் மீது தற்கொலைத் தாக்குதல்;!! -இருவர் பலி: 14 பேர் காயம்-

இந்தோனேசிய - மக்காசரில் உள்ள கத்தோலிக்க தேவாலயத்திற்கு வெளியே இன்று ஞாயிற்றுக்கிழமை நடத்தப்பட்ட தற்கொலைக் குண்டுத் தாக்குதலில் இருவர் பலியானதுடன், 14 பேர் படுகாயமடைந்தனர்.

இரு தற்கொலைதாரிகள் குண்டைவெடிக்கவைத்து பலியாகியுள்ளனர் என்றும், குண்டுவெடிப்பு நடந்த நேரத்தில் தேவாலயத்திற்குள் பிரார்த்தனைக் கூட்டம் இடம்பெற்றுக்கொண்டிருந்ததாக பொலிசார் தெரிவித்தனர்.

தற்கொலை குண்டுதாரிகள் மோட்டார் சைக்கிளில் தேவாலயத்ர்துக்குள் நுழைய முயன்றனர். இதன்போது அங்கு பாதுகாப்புக்கு நின்ற காவலர் அவர்களைத் தடுத்து நிறுத்தினார்.

இதன்போதே அவர்கள் குண்டை வெடிக்கச் செய்தனர் என தேவாலயத்தின் பாதிரியார் வில்ஹெமஸ் துலக் தெரிவித்துள்ளார்.