பாடசாலை சேவை வாகனத்தின் கதவு சடுதியாக திறந்ததால் நடந்த அசம்பாவிதம்..! 5 வயதான சிறுவன் பலியான பரிதாபம்..

பாடசாலை சேவையில் ஈடுபட்டிருந்த வாகனத்தின் கதவு திடீரென திறந்த நிலையில் வாகனத்திலிருந்து தவறி விழுந்த மாணவன் ஒருவன் உயிரிழந்துள்ளான். 

குறித்த சம்பவம் வெல்லவாய ஹனுக்கெட்டிய பகுதியில் இடம்பெற்றிருப்பதாக பொலிஸார் தொிவித்திருக்கின்றனர். சம்பவத்தின்போது  வாகனம் மாணவர்களுடன் சென்றுகொண்டிருந்ததாகவும்சடுதியாக வாகனத்தின் கதவு திறந்ததால் மாணவன் கீழே விழுந்து உயிரிழந்தான் என பொலிஸார் தெரிவித்துள்ளனர். 

ஆரம்பபாடசாலை மாணவர்களை பாடசாலையிலிருந்து வீட்டிற்கு அழைத்து சென்றுக்கொண்டிருந்த வானிலிருந்தே ஐந்து வயது மாணவன் தவறிவிழுந்துள்ளான்.

வான் சாரதி கைதுசெய்யப்பட்டுள்ளார் என பொலிஸார் தெரிவித்துள்ளனர்.