அமெரிக்க தேர்தலில் தலையிட்டதற்கு கொலையாளி புதின் தக்க விலை கொடுப்பார்!! -ஆவேசத்துடன் எச்சரிக்கிறார் ஜோ பைடன்-

அமெரிக்க ஜனாதிபதி தேர்தலில் ஜோ பைடனை தோற்கடிக்க ரஸ்ய அதிபர் புதின் முயற்சித்தார் என அமெரிக்க அரசின் உளவுத் துறை அறிக்கையில் பரபரப்பான தகவல் தெரிவிக்கப்பட்டிருந்தது.  

இந்நிலையில் அமெரிக்க ஜனாதிபதி தேர்தலில் தன்னை தோற்கடிக்க முயன்றவர் என்றும் கொலையாளி என்றும் ரஸ்ய ஜனாதிபதி புதினை அமெரிக்க ஜனாதிபதி ஜோ பைடன் விமர்சித்துள்ளார்.

ஜோ பைடன் அளித்த பேட்டி ஒன்றில் ரஸ்யாவில் எதிர்க்கட்சித் தலைவரையே விசம் வைத்துக் கொல்ல புதின் முயற்சித்தார். அவர் ஒரு கொலையாளி, அமெரிக்க தேர்தல் தலையீடுக்கு தக்க விலை கொடுப்பார் என கூறி உள்ளார்.

இந்த விவகாரத்தின் எதிரொலியாக அமெரிக்காவுக்கான தனது தூதர் அனடோலி ஆன்டனோவை மாஸ்கோ திரும்புமாறு அதிபர் புதின் உத்தரவிட்டுள்ளமை குறிப்பிடத்தக்கது.