பொலிஸ் சீருடையில் நடமாடி பல குற்றங்களை புரிந்த நபர்..! சீருடையுடன் பேஸ்புக்கில் புகைப்படம் பதிவிட்டதால் சிக்கினார்..

பொலிஸ் சீருடையுடன் நடமாடி பல்வேறு குற்றச் செயல்களில் ஈடுபட்டுவந்த நபர் ஒருவர் பொலிஸாரினால் கைது செய்யப்பட்டிருக்கின்றார். 

குறித்த சம்பவம் பன்னிப்பிட்டிய - பொல்வத்தை பகுதியில் இடம்பெற்றிருக்கின்றது. இறக்குவானை பகுதியை சேர்ந்த 30 வயதான குறித்த நபர் தன்னை பொலிஸ் சப் இன்ஸ்பெக்டர் என

அடையாளப்படுத்தி சீருடையுடன் சமூக வலைத்தளத்தில் தனது புகைப்படத்தை பதிவேற்றியிருந்தார். இதனையடுத்து நடந்த விசாரணையில் குறித்த நபர் கைது செய்யப்பட்டுள்ளார். 

கைது செய்யப்பட்டதன் பின்னர் நடத்தப்பட்ட விசாரணைகளில் அவர் ஒரு போலி என தொியவந்திருப்பதுடன், பொலிஸ் சீருடையுமன் பல்வேறு குற்றச்செயல்களில் ஈடுபட்டமை கண்டறியப்பட்டுள்ளது. 

இது குறித்து பொலிஸார் தீவிர விசாரணைகளை ஆரம்பித்திருக்கின்றனர்.