ஆர்ஜென்டினாவில் திடீர் காட்டுத் தீ!! -அதிர் சிக்கிய 15 பேரை காணவில்லை: 7 பேருக்கு காயம்-

ஆர்ஜென்டினா - படகோனியா பிராந்தியத்தில் திடீரென ஏற்பட்ட காட்டுத் தீயில் சிக்கி 15 பேர் காணாமல் போயுள்ளனர் என்றும், ஏழு பேர் காயமடைந்துள்ளனர் என்றும் அறிவிக்கப்பட்டுள்ளது. 

மேலும் இந்த காட்டுத் தீயால் 100 வீடுகள் சேதமடைந்தன. அத்துடன், அந்தப் பகுதியில் சிக்கியிருந்த சுமார் 200 பேர் பாதுகாப்பாக வெளியேற்றப்பட்டுள்ளனர்.

இந்தத் தீயைக் கட்டுப்படுத்தும் பணியில் 2 ஹெலிகப்டர்கள், 3 தீயணைப்பு விமானங்கள், 12 தீயணைப்பு இயந்திரங்கள் மற்றும் ஆதரவு வாகனங்கள் ஈடுபடுத்தப்பட்டுள்ளதாக அந்நாட்டு ஜனாதிபதி ஆல்பர்டோ பெர்னாண்டஸ் ருவிட்டரில் தெரிவித்துள்ளார்.

இந்தக் காட்டுத் தீ இயற்கையாக ஏற்பட்டதாக நான் கருதவில்லை. வேண்டுமென்றே தீவைக்கப்பட்டுள்ளது. இச் சம்பவத்துடன் தொடர்புடையவர்களை கண்டறிந்து தண்டிக்க நடவடிக்கை எடுக்கப்படும் என்று அந்நாட்டு சுற்றுச்சூழல் அமைச்சர் ஜுவான் கபாண்டி செய்தியாளர் சந்திப்பொன்றில் தெரிவித்தார்.

கடந்த வருடம் அங்கு ஏற்பட்ட தீ விபத்தில் பல்லாயிரக்கணக்கான ஹெக்டேர் காடுகள் அழிந்து நாசமாகியமையும் குறிப்பிடத்தக்கது.