உலகம் முழுவதும் கொரோனா தொற்றாளர்களின் எண்ணிக்கை 11.81 கோடியாக உயர்வு!!

ஒரு வருடத்திற்கு மேலாக தனது வீரியத்தை காட்டிவரும் கொரோனா வைரஸ் தொற்றுக்கு உலகம் முழுவதிலும் பாதிக்கப்பட்டோர் எண்ணிக்கை 11.81 கோடியை தாண்டி உள்ளது.

உலகம் முழுவதும் கொரோனா வைரசால் பாதிக்கப்பட்டு வருபவர்களின் எண்ணிக்கையும், உயிரிழப்போரின் எண்ணிக்கையும் நாளுக்கு நாள் அதிகரித்துக் கொண்டே வருகிறது. 

இதன்படி உலகம் முழுவதும் தற்போது 11,81,43,312 பேருக்கு கொரோனா தொற்று உறுதி செய்யப்பட்டுள்ளது. கொரோனா பாதிப்பில் இருந்து இதுவரை 9,38,27,318 பேர் முழுமையாக குணமடைந்துள்ளனர். மேலும் தொற்றுக்குள்ளாகி இதுவரை 26 இலட்சத்து 21 ஆயிரத்து 12 பேர் உயிரிழந்துள்ளனர். 

கொரோனா தொற்றுக்கு தற்போது 2,16,94,982 பேர் சிகிச்சை பெற்று வருகின்றனர். சிகிச்சை பெறுபவர்களில் 89,752 பேரின் நிலைமை கவலைக்கிடமாக உள்ளது.