2021 க்கான நோபல் பரிசு!! -டொனால்டு டிரம்ப் உள்பட 329 பேர் பரிந்துரை-

2021 ஆம் ஆண்டுக்கான நோபல் பரிசுக்கு அமெரிக்க முன்னாள் ஜனாதிபதி டொனால்டு டிரம்ப், சுற்று சூழல் ஆர்வலர் கிரேட்டா துன்பெர் உள்பட 329 பேர் பரிந்துரை செய்யப்பட்டு உள்ளனர்.

உலக அளவில் இயற்பியல், அமைதி, வேதியியல், மருத்துவம், இலக்கியம் உள்ளிட்ட துறைகளில் தலைசிறந்து செயற்பட்டவர்களை அங்கீகரிக்கும் விதமாக நோபல் பரிசு வருடம் தோறும் வழங்கப்பட்டு வருகிறது.

மிக மதிப்பு வாய்ந்த விருதாக கருதப்படும் இந்த விருதுக்குபல்வேறு அமைப்புகள் மற்றும் தனிநபர்கள் பரிந்துரைக்கப்படுவது வழக்கம். இந்நிலையில் 2021 ஆம் ஆண்டுக்கான நோபல் பரிசுக்கு இதுவரை 329 பேர் பரிந்துரைக்கப்பட்டுள்ளதாக நோபல் விருது நிர்வாகம் தெரிவித்துள்ளது.

2021 நோபல் பரிசுக்கு 234 தனிநபர்களும், 95 அமைப்புகளும் பரிந்துரைக்கப்பட்டுள்ளது குறிப்பிடத்தக்கது.