நடுவானில் விமானி மீது பாய்ந்து திடீரென ஆக்ரோசமாக தாக்கிய பூனை!! -அவசரமாக தரையிறக்கப்பட்ட விமானம்-

பயணிகள் விமானம் ஒன்று நடுவானில் பறந்து கொண்டிருந்த போது திடீரென பூனை ஒன்று விமானியை ஆக்ரோசமாக தாக்கியதால் விமானம் அவசர அவசரமாக தரையிறக்கப்பட்டுள்ளது.

இச் சம்பவம் தொடர்பில் மேலும் தெரியவருவது:- 

கடந்த புதன்கிழமை கத்தார் தலைநகரான தோஹாவுக்குச் செல்லும் சூடானின் டர்கோ விமானம் கார்ட்டூம் சரவதேச விமான நிலையத்தில் வழமை போன்று புறப்பட்டது. 

விமானியின் அறைக்குள் ஏற்கனவே மறைந்திருந்த பூனை ஒன்று சுமார் 30 நிமிடங்களில் விமானிகள் மீது பாய்ந்து தாக்கத் தொடங்கியுள்ளது. இதனையடுத்து, வேறு வழியின்றி விமானத்தை மீண்டும் கார்ட்டூம் சரவதேச விமான நிலையத்தில் தரையிறக்க விமானி முடிவு செய்து அவசர அவசரமாக தரையிறக்கப்பட்டுள்ளது. 

விமானத்தில் இருந்து பூனையை வெளியேற்றிய பின்னரும் இரவு முழுவதும் அந்த விமானம் புறப்படாமல் தாமதமானதாக தகவல் வெளியானது.