விண்வெளி வீரர்களுக்கான புதிய உணவு வகை கண்டுபிடித்தால் பரிசு!! -5 இலட்சம் டொலர் பரிசு தொகையை அறிவித்த நாசா-
செவ்வாய் கிரகத்திற்கு செல்லும் விண்வெளி வீரர்களுக்கான புதிய உணவு வகையை கண்டுபிடித்தால் 5 இலட்சம் டொலர் பரிசு வழங்கப்படும் என நாசா அறிவித்துள்ளது.
போட்டியாளர்கள் செவ்வாய் கிரகத்திற்கு பயணம் செய்ய உள்ள விண்வெளி வீரர்களுக்கு அவர்களின் பயணத்தின் போது பொருத்தமான புதுமையான உணவுகளையும், அவற்றுக்கான தயாரிப்பு முறைகளையும் கண்டுபிடித்து கூற வேண்டும்.
எதிர்வரும் மே மாதம் 28 வரை போட்டியாளர்கள் தமது பெயரை பதிவு செய்து ஜூலை 30 ஆம் திகதிக்குள் தங்களது கண்டுபிடிப்பு விவரங்களை தெரிவிக்க வேண்டும் என நாசா தெரிவித்துள்ளது.
இருப்பினும் அமெரிக்கர்களுக்கு மட்டுமே இந்த போட்டியில் பங்கேற்க வாய்ப்பளிக்கப்பட்டுள்ளது. வெளிநாடுகளை சேர்ந்தவர்களும் பங்கேற்கலாம், ஆனால் பரிசு கிடையாது.
