நடு ஆற்றில் திடீரென கவிழ்ந்த பயணிகள் படகு!! -60 பேர் பலி: ஏனையோரை தேடும் பணிகள் தீவிரம்-

காங்கோவில் பயணிகளை ஏற்றக் கொண்டு ஆற்றில் சென்ற படகு திடீரென கவிழ்ந்து விபத்துக்குள்ளானதில் அதிலிருந்த சுமார் 60 பயணிகள் பலியாகியுள்ளனர்.

ஆப்பிரிக்க நாடுகளில் ஒன்றான காங்கோவில் மை டோம்பே மாகாணத்தில், சுமார் 700 பயணிகளுடன் ஆற்றில் பயணித்த படகு திடீரென கவிழ்ந்து விபத்துக்குள்ளானது. இந்த விபத்தில் படகில் பயணம் செய்தவர்களில் 60 பேர் பரிதாபமாக உயிரிழந்தனர். 

இருப்பினும் படகில் சென்ற 300 பேர் உயிருடன் மீட்கப்பட்டனர். நீரில் மாயமான ஏனைய பயணிகளை தேடும் பணி முழு வீச்சில் நடைபெற்று வருகிறது. படகில் அளவுக்கு அதிகமான பயணிகளை ஏற்றிச்சென்றதே விபத்துக்கு காரணம் என்று முதல் கட்ட விசாரணைகளில் தெரியவந்துள்ளதாக கூறப்பட்டுள்ளது.