ரஸ்யாவை இடைவிடாது துரத்தும் கொரோனா!! -24 மணிநேரத்தில் 15,019 பேருக்கு தொற்று: 530 பேர் பலி-

உலக அளவில் கொரோனா வைரஸ் தொற்று பாதிப்பில் ரஸ்யா 4 ஆவது இடத்தில் உள்ளது. இந்நிலையில் அங்கு கடந்த 24 மணி நேரத்தில் மட்டும் புதிதாக 15,019 பேருக்கு கொரோனா தொற்று உறுதி செய்யப்பட்டுள்ளது. 

இதன்மூலம் ரஸ்யாவில் கொரோனா வைரஸ் தொற்றால் பாதிக்கப்பட்டோர் எண்ணிக்கை தற்போது 39,98,216 ஆக உயர்ந்துள்ளது. கொரோனா தொற்றுக்கு மேலும் 530 பேர் உயிரிழந்ததால், அங்கு பலியானோர் எண்ணிக்கை 77 ஆயிரத்து 598 ஆக உயர்ந்துள்ளது.

மேலும் அங்கு இதுவரை தொற்றினால் பாதிக்கப்பட்ட 34,93,886 பேர் சிகிச்சை பெற்று முழுமையாக குணமடைந்து வீடு திரும்பியுள்ளனர். இருப்பினும் தற்போது 4,26,732 பேர் வைத்தியசாலைகளில் சிகிச்சை பெற்று வருகின்றனர்.