மியான்மரில் கிளர்ச்சியாளர்கள் கும்பல் திடீர் தாக்குதல்;!! -3 பொலிஸார் உள்பட 12 பேர் பலி-

இராணுவ ஆட்சி நிலைநாட்டப்பட்டுள்ள மியான்மரில் ஆயுதமேந்திய 20 கிளர்ச்சியாளர்கள் கொண்ட கும்பல் ஒன்று தாக்குதல் நடத்தியுள்ளது. 

இத் திடீர் தாக்குதல் சம்பவத்தில்  போலீசார் உள்ளிட்ட 12 பேர் கொல்லப்பட்டனர் என்று தகவல் வெளியிடப்பட்டுள்ளது. 

இராணுவ ஆட்சிக்கு பின் அங்கு நிலவிவரும் அரசியல் குழப்பம் சூழ்ந்த நிலையில், மியான்மரில் லசியோ நகரில் இருந்து கோகாங் தலைநகர் லாவ்காய் நோக்கி வாகனம் ஒன்று சென்று கொண்டிருந்தது. அதில் மியான்மரின் கோகாங் மண்டல சுயாட்சி பகுதியின் முன்னாள் மத்திய செயற்குழு உறுப்பினர் உ கின் மாங் லிவின் சென்று கொண்டு இருந்துள்ளார்.

இந்நிலையில், மியான்மர் தேசிய ஜனநாயக கூட்டணி இராணுவம் (எம்.என்.டி.ஏ.ஏ.) என்ற கிளர்ச்சியாளர்கள் குழுவை சேர்ந்த ஆயுதமேந்திய 20 பேர் கொண்ட கும்பல் ஒன்று அவருடன் சென்ற பாதுகாப்பு வாகனம் மீது திடீரென தாக்குதல் நடத்தியது.

இந்த தாக்குதலில் 3 பொலிஸார் மற்றும் பொதுமக்களில் 9 பேர் என மொத்தம் 12 பேர் கொல்லப்பட்டனர். மேலும் 8 பொது மக்கள் மற்றும் 5 பொலிஸார் காயமடைந்தனர்.