அவுஸ்திரேலியாவில் வேகமாக பரவும் காட்டுத்தீ!! -9 ஆயிரம் ஹெக்டயர் காடு அழிந்தது-

அவுஸ்திரேலியாவின் மேற்கு நகரமான பேர்த் இல் தொடர்ச்சியாக பரவிவரும் காட்டுத்தீ காரணமாக 100ற்க்கும் அதிகமானோர் பாதிக்கப்பட்டுள்ளதாக தெரிவிக்கப்பட்டுள்ளது. 

பாதிக்கப்பட்டவர்கள் அங்கு அமைக்கப்பட்டுள்ளத தற்காலிக முகாம்களில் தங்கவைக்கப்பட்டுள்ளனர் என்றும் காட்டுத்தீயினால் இதுவரை 71ற்க்கும் மேற்பட்ட வீடுகள் சேதமடைந்துள்ளதாக சர்வதேச ஊடகங்கள் செய்தி வெளியிட்டுள்ளன.

குறித்த நகரின் மேற்கு பகுதியில் உள்ள மலைத்தொடரில் சுமார் 40 கிலோ மீட்டர் தூரத்திற்கு நேற்று செவ்வாய்க்கிழமை காட்டுத்தீ பரவியிருந்த நிலையில், தற்போது 9 ஆயிரம் ஹெக்டயர் காட்டுப் பகுதி அழிவடைந்துள்ளதாக தெரிவிக்கப்பட்டுள்ளது.