உலக அளவில் கொரோனா பாதிப்பு 10 கோடியை தாண்டியது!! -1.10 இலட்சம் பேரின் நிலை கவலைக்கிடம்-

உலக அளவில் கடந்த ஒருவடமாக தனது வீரியத்தை காட்டிவரும் உயிர் கொல்லி கொரோனா பாதிப்பு எண்ணிக்கை 10 கோடியை தாண்டியது.

கொரோனா பாதிப்பு அதிகமுள்ள நாடுகளின் பட்டியலில் அமெரிக்கா, இந்தியா, பிரேசில், ரஸ்யா, பிரிட்டன் ஆகியவை முதல் 5 இடங்களில் உள்ளன.

கொரோனா பாதிப்பில் இருந்து இதுவரை 7.21 கோடிக்கும் அதிகமானோர் முழுமையாக குணமடைந்து வைத்தியசாலைகளில் இருந்து வெளியேறி வீடுகளுக்கு சென்றுள்ளனர்.

மேலும் கொரோனா வைரஸ் தொற்றுக்கு உள்ளாகி இதுவரை 21.46 இலட்சத்துக்கும் மேற்பட்டோர் உயிரிழந்துள்ளனர். வைரஸ் பரவியவர்களில் 2.59 கோடிக்கும் அதிகமானோர் சிகிச்சை பெற்று வருகின்றனர். சிகிச்சை பெறுபவர்களில் 1.10 இலட்சத்துக்கும் மேற்பட்டோரின் நிலைமை கவலைக்கிடமாக உள்ளது.