பைடனின் பதவியேற்பை தமிழ் பாரம்பரியத்துடன் வரவேற்கும் அமெரிக்கர்கள்!! -1,800 மேற்பட்டவர்கள் இணைந்து கோலமிட்டு புதிய முயற்சி-
அமெரிக்க ஜனாதிபதியாக பதவியேற்கவுள்ள ஜோ பைடனின் அரசாங்கத்தை வரவேற்கும் வகையில் அங்குள்ள மக்கள் வீட்டு வாசல்களில் கோலமிட்டு மகிழ்ச்சியை வெளிப்படுத்தி வருகின்றனர்.
வரவேற்பின் அடையாளமாக வீடுகளின் வாசல்களில் இடப்படும் தமிழர்களின் பாரம்பரிய கலை வடிவமான கோலம், அமெரிக்காவின் ஜனாதிபதி பதவியேற்பு விழாவில் ஒரு அங்கமாக மாறி இருக்கிறது.
பதவியேற்கும் வரலாற்று நிகழ்வைக் கொண்டாட ஆயிரக்கணக்கான கோலங்களை உருவாக்கும் முயற்சியில் அமெரிக்கா முழுவதிலும் இருந்து 1,800ற்க்கும் மேற்பட்ட நபர்கள பங்கேற்றனர்.
நேற்று முன்தினம் கோலங்கள் போடப்பட்ட ஆயிரக்கணக்கான ஓடுகளின் படங்கள் ஒரு வீடியோவாக உருவாக்கப்பட்டது.
உள்ளூர் பாதுகாப்பு நிறுவனங்களிடம் இருந்து அனுமதி கிடைத்தவுடன் கோலங்கள் போடப்பட்ட ஓடுகளை காட்சிப்படுத்துவதற்கான இடமும், நாளும் தீர்மானிக்கப்படும் என்று ‘கோலம் 2021' ஏற்பாட்டு குழு தெரிவித்துள்ளது.
