தங்க சுரங்கத்தில் திடீர் வெடிவிபத்து!! -உள்ளுக்குள்ளே சிக்கியுள்ள 22 தொழிலாளர்கள்-
சீனா நாட்டில் உள்ள தங்க சுரங்கம் ஒன்றில் திடீரென வெடி விபத்து ஏற்பட்டுள்ளது. இச் சம்பவத்தில் அங்கு பணியாற்றிக் கொண்டிருந்த சுமார் 22 தொழிலாளர்கள் சிக்கி கொண்டுள்ளனர்.
அந்நாட்டின் சான்டோங் மாகாணத்தில் யன்டாய் நகரில் குவிக்சியா என்ற பகுதியில் தங்க சுரங்கம் ஒன்று உள்ளது. குறித்த சுரங்கத்தில் திடீரென வெடிவிபத்து ஏற்பட்டுள்ளது.
இந்த விபத்தில் சுரங்க பணியில் ஈடுபட்டிருந்த 22 தொழிலாளர்கள் சிக்கி கொண்டுள்ளனர். அவர்களுடன் எந்த தொடர்பும் கொள்ள முடியவில்லை என அதிகாரிகள் தெரிவித்து உள்ளனர்.
அங்கு பாதுகாப்பற்ற முறையில் இயங்க கூடிய சுரங்கங்கள் செயல்பட்டு வருகின்றன. இவற்றில் அவ்வப்போது இதுபோன்ற வெடிவிபத்துகள் ஏற்பட்டு தொழிலாளர்கள் சிக்கி கொள்வது அதிகரித்து வருகின்றது.
