வேகமாக பரவும் புதியவகை கொரோனா!! -மக்களுக்கு அவரச எச்சரிக்கை-

இங்கிலாந்தில் புதியவகையான உயிர் கொல்லி கொரோனா வைரஸ் பரவி வருவதால், பல்வேறு நாடுகள் விமான போக்குவரத்தை ரத்து செய்துள்ளன.

அங்கு வளர்சிதை மாற்றம் அடைந்த புதிய வகை உயிர் கொல்லி கொரோனா பரவி வருவது ஆய்வில் தெரியவந்துள்ளது. இதனால் நேற்று ஞாயிற்றுக்கிழமை இரவு முதல் பல்வேறு கட்டுப்பாடுகளை பிரிட்டன் அரசு விதித்துள்ளது. புதிய வைரஸ் கட்டுப்பாட்டை மீறி பரவி வருவதால், மக்கள் வீட்டுக்குள் பாதுகாப்பாக இருக்க வேண்டும் என அரசு கேட்டுக்கொண்டுள்ளது.

அங்கு பரவி வரும் புதிய உயிர் கொல்லி கொரோனா அச்சத்தால் பல்வேறு ஐரோப்பிய நாடுகள் பிரட்டனுக்கு விமானப் போக்குவரத்தை நிறுத்திவிட்டன. சவுதி அரேபியா, துருக்கி ஆகிய நாடுகளும் சர்வதேச விமானப் போக்குவரத்துக்கு அடுத்த ஒரு வாரத்துக்கு தடைவிதித்துள்ளன. 

கனடா அரசு முதற்கட்டமாக 3 நாட்களுக்கு பிரிட்டனுக்கான விமான போக்குவரத்தை நிறுத்தி உள்ளது. பல்வேறு நாடுகள் பிரிட்டனுடனான தரைவழி எல்லையை மூடிவிட்டன.