ஒரே நாளில் 3,011 பேர் கொரோனாவால் பலி!! -அலரும் அமெரிக்கா-

அமெரிக்காவில் இதுவரை இல்லாத வகையில் உயிர் கொல்லி கொரோனா வைரஸ் பெருந்தொற்றுக்கு உள்ளிகி ஒரு நாளில் மட்டும் 3,011 பேர் உயிரிழந்துள்ளனர். 

உலகையே ஆட்டிப்படைத்து வந்த அமெரிக்க நாட்டை இப்போது கொரோனா வைரஸ் பெருந்தொற்று ஆட்டிப்படைத்து வருவது பெரும்சோகம்.

கொரோனா வைரஸால் மிக மோசமாக பாதிக்கப்பட்ட நாடு என்றால் முதல் இடத்தில் அமெரிக்காதான் உள்ளது. அங்கு நேற்று மதிய நிலவரப்படி ஒரு கோடியே 53 இலட்சத்து 91 ஆயிரத்து 700 பேரை தொற்றியுள்ளது.

அங்கு ஒவ்வொரு நாளும் பலியின் எண்ணிக்கை உயர்ந்து கொண்டே போகிறது. அமெரிக்காவில் ஒரு நாள் உயிர்ப்பலியைப் பொறுத்தமட்டில், கடந்த ஏப்ரல் 15 ஆம் திகதி ஒரு நாளில் மட்டும் 2,752 பேர் பலியானதுதான் உச்சக்கட்ட அளவாக இருந்தது.

அந்த எண்ணிக்கை, கடந்த வாரம் முறியடிக்கப்பட்டது. கடந்த வாரம் ஒரு நாளில் மட்டும் 2,885 பேர் பலியாகி இருந்ததே இதுவரை இல்லாத அளவு அதிக உயிர்ப்பலியாக பதிவானது.