ஒரு நாளில் 60,000 பேருக்கு கொரோனா தடுப்பூசி!! -27 ஆம் திகதி முதல் போடப்படும் என அறிவிப்பு-

இஸ்ரேலில் எதிர்வரும் 27 ஆம் திகதி தொடக்கம் மக்களுக்கு கொரோனா தடுப்பூசி போடப்படும் என்று அந்நாட்டு பிரதமர் அறிவித்துள்ளார்.

பைசர் நிறுவனத்திடம் இஸ்ரேல் அரசாங்கம் ஓடர் செய்திருந்த கொரோனா தடுப்பூசிகளின் முதல் தொகுதி தற்போது அங்கு வந்து சேர்ந்துள்ளதாக, அந்நாட்டின் பிரதமர் பெஞ்சமின் நெட்டன்யா{ஹ தெரிவித்துள்ளார். இதனை தொடர்ந்து எதிர்வரும் 27 ஆம் திகதி தொடக்கம் அந்நாட்டு மக்களுக்கு கொரோனா தடுப்பூசி போடப்படும் என்று அவர் அறிவித்துள்ளார்.

நாள் ஒன்றுக்கு சுமார் 60,000 பேருக்கு கொரோனா தடுப்பூசியை செலுத்த திட்டமிடப்பட்டுள்ளதாக அவர் தெரிவித்துள்ளார். இதன் மூலம் மக்கள் மீண்டும் சுதந்திரமாக பயணங்களை மேற்கொள்ளலாம் என்றும் நாட்டின் பொருளாதரம் மீண்டும் முன்னேற்றமடையும் என்றும் அவர் நம்பிக்கை தெரிவித்துள்ளார்.