"புரவி" புயல் அனர்த்தம் யாழ்.மாவட்டத்தில் நள்ளிரவுவரை 459 குடும்பங்கள் பாதிப்பு..! 3 பேரை காணவில்லை, சிறுமி உட்பட 4 பேர் காயம்..

"புரவி" புயல் காரணமாக யாழ்.மாவட்டத்தில் நேற்று நள்ளிரவு வரையில் 459 குடும்பங்களை சேர்ந்த சுமார் 1589 பேர் பாதக்கப்பட்டிருக்கின்றனர்.

ஆங்காங்கே மீட்பு பணிகள் இடம்பெற்றிருப்பினும் 15 வீடுகள் முழுமையாகவும் 140 வீடுகள் பகுதியளவிலும் சேதமடைந்துள்ளது.

மேலும் தாழ்நில பகுதிகளிலிருந்து இடம்பெயர்ந்த மக்களை தங்கவைப்பதற்காக 4 இடைத்தங்கல் முகாம்கள் அமைக்கப்பட்டு மக்கள் தங்கவைக்கப்பட்டுள்ளனர்.

சண்டிலிப்பாய், பருத்துறை, சாவகச்சேரி பகுதிகளில் அதிகளவு வீடுகள் சேதமடைந்துள்ளதுடன் நள்ளிரவு வரையில் 3 பேர் காணாமல்போயுள்ளதாக கூறப்படுகிறது.

இதேபோல் வல்வெட்டித்துறையில் மரங்கள் முறிந்து வீழ்ந்ததில் சிறுமி உட்பட 4 பேர் காயமடைந்துள்ளனர்.