அனைத்து மக்களுக்கு இலவச கொரோனா தடுப்பூசி!! -கமலா ஹாரிஸ் அதிரடி அறிவிப்பு-

அமெரிக்கர்கள் அனைவருக்கும் கொரோனா பரிசோதனை மற்றும் தடுப்பூசி இலவசம் என அந்நாட்டு துணை ஜனாதிபதியாக  தேர்வாகியுள்ள கமலா ஹாரிஸ் அறிவித்துள்ளார்.

உலகளவில் கொரோனா வைரஸ் தொற்றுக்கு அதிகளவில் பாதிக்கப்பட்ட நாடுகளில் அமெரிக்கா முதலிடத்தில் உள்ளது. இதற்கிடையே கொரோனாவை கட்டுப்படுத்த ஜோ பைடன் குழு ஒன்றை அமைத்துள்ளார். இதன்பிரகாரம் கொரோனா தொற்றை கட்டுப்படுத்த ஜோ பைடன் மற்றும் கமலா ஹாரிஸ் இணைந்து பைடன்-ஹாரிஸ் எனும் திட்டத்தை அறிமுகம் செய்துள்ளனர். 

இந்த திட்டத்தின் கீழ் கொரோனா வைரஸை கட்டுப்படுத்த அனைத்து அமெரிக்கருக்கும் கொரோனா பரிசோதனை மற்றும் தடுப்பூசி இலவசமாக அளிக்கப்படும் என கமலா ஹாரிஸ் அறிவித்துள்ளார். அவரது இந்த அறிவிப்புக்கு அமெரிக்க மக்கள் வரவேற்பு தெரிவித்துள்ளனர்.