அமெரிக்கா கொரோனா கட்டுபடுத்தும் குழுவில் தமிழ் பெண் மருத்துவருக்கு இடம்!!

அமெரிக்காவில் புதிதாக உருவாக்கப்பட்டுள்ள கொரோனா வைரஸ் தொற்றை கட்டுப்படுத்தும் குழுவில் ஈரோட்டை பூர்வீகமாக கொண்ட பெண் மருத்துவர் பெற்றுள்ளார்.

அமெரிக்க அதிபராக தேர்வாகியுள்ள ஜோ பைடன், அங்கு நிலவும் கொரோனா பரவலை கட்டுப்படுத்த கொரோனா தடுப்பு மற்றும் வழிகாட்டுதல் குழுவை அமைத்துள்ளார். 13 பேர் கொண்ட இந்த குழுவில் இந்திய வம்சாவளியைச் சேர்ந்த மருத்துவர் விவேக் மூர்த்தி இடம் பிடித்துள்ளார்.

இதே குழுவில் தமிழகத்தின் ஈரோடு மாவட்டத்தைப் பூர்வீகமாகக் கொண்ட பெண் மருத்துவரான செலின் ராஜ் இடம்பிடித்துள்ளார். ஈரோடு மாவட்டம் மொடக்க்குறிச்சியைச் சேர்ந்த ராஜ் என்பவரின் மூத்த மகளான செலின் ராஜ், அமெரிக்காவில் பிறந்து வளர்ந்தவர் ஆவார். 

இவர் நியூயார்க் கிராஸ்மேன் மருத்துவக் கல்லுாரியில் உதவி பேராசிரியராகவும், அமெரிக்க நாட்டின் காசநோய் தடுப்பு பிரிவில், துணை இயக்குனராகவும் பணிபுரிகிறார்.