டொனால்ட் ட்ரம்ப் தம்பதியினருக்கு கொரோனா!! -சற்று முன் உறுதிப்படுத்தப்பட்டது-

அமெரிக்க ஜனாதிபதி டொனால்ட் ட்ரம்ப், அவரது மனைவி மெலானியா ஆகியோருக்கு கொரோனா வைரஸ் தொற்று ஏற்பட்டுள்ளமை பரிசோதனையின் பின் இன்று காலை உறுதி செய்யப்பட்டது.

அமெரிக்க ஜனாதிபதி ட்ரம்பின் உதவியாளர்களில் ஒருவரான ஹோப் ஹிக்ஸ_க்கு கொரோனா பாதிப்பு உறுதி செய்யப்பட்டது. புதன்கிழமை நடந்த பிரசார பேரணியின் போது ட்ரம்புடன் ஹோப் ஹிக்ஸ_ம் சென்றிருந்தார். அவருக்கு கொரோனா தொற்று ஏற்பட்டதையடுத்து, ட்ரம்ப் மற்றும் அவரது மனைவி மெலானியா ஆகியோருக்கு கொரோனா பரிசோதனை செய்யப்பட்டது.

பரிசோதனை முடிவுகள் வருவதற்கு முன்பாகவே தனது நிகழ்வுகளை ஒத்திவைத்த ட்ரம்ப், தானும் தனிமைப்படுத்தி கொள்ள போவதாக கூறியிருந்தார்.

இந்நிலையில் ட்ரம்ப் மற்றும் மெலனியா ட்ரம்ப் ஆகியோரின் கொரோனா பரிசோதனை முடிவுகள் வெளிவந்தன. அதில் இருவருக்கும் பொசிட்டிவ் என வந்துள்ளது. இத்தகவலை டுவிட்டரில் ட்ரம்ப் பதிவிட்டுள்ளார். அத்துடன் உடனடியாக தனிமைப்படுத்தும் நடைமுறை மற்றும் சிகிச்சையை தொடங்கவுள்ளதாகவும் கூறியுள்ளார்.