கழுவி காயவிடப்பட்டிருந்த பெருமளவு முக கவசங்கள் மீட்பு..! உரிமையாளர் கைது,.

சுகாதார வைத்திய அதிகாரிகளுக்கு கிடைத்த இரகசிய தகவலையடுத்து கழுவி காயவிடப்பட்டிருந்த சுமார் 3128 முககவசங்கள் பறிமுதல் செய்யப்பட்டிருக்கின்றது. பறிமுதல் செய்யப்பட்ட முக கவசங்கள் KN 95 ரக முககவசங்கள் என கூறப்படுகின்றது. 

கொழும்பு, கோட்டை நான்காம் குறுக்குத் தெருவில் அமைந்துள்ள கட்டிடமொன்றில் குறித்த முகக்கவசங்கள் கழுவி காயவிடப்பட்டிருப்பதாக சுகாதார பிரிவுக்கு கிடைத்த தகவலடிப்படையில் பொலிஸாருடன் குறித்த இடத்தை 

சுற்றிவளைத்தபோது அங்கு ஆயிரக்கணக்கான நீலம், வௌர்ளை மற்றும் KN 95 ரக முகக்கவசங்கள் உலர வைக்கப்பட்டிருந்ததாக கோட்டை பொது சுகாதார பரிசோதகர் எம்.பீ.லால் தெரிவித்தார்.

பின்னர் மேற்கொண்ட விசாரணையில், மழையில் நனைத்த காரணத்தால் குறித்த முகக்கசவங்களை இவ்வாறு உலர வைத்ததாக உரிமையாளர் தெரிவித்துள்ளார். 

எனினும், சந்தேகத்தின் பேரில் புறக்கோட்டை பொலிஸ் நிலைய அதிகாரிகளின் உதவியுடன் உரிமையாளர் மற்றும் முகக்கவசங்கள் தொகை சுகாதார அதிகாரி அலுவலகத்திற்கு எடுத்துச் செல்லப்பட்டுள்ளதாக தெரிவிக்கப்படுகிறது.

முகக்கவச தொகை மற்றும் அதன் உரிமையாளர் மாளிகாகந்த நீதவான் நீதிமன்றில் ஆஜர் படுத்தப்பட்டு சட்ட நடவடிக்கை மேற்கொள்ளப்படும் என பொது சுகாதார பரிசோதகர் எம்.பீ.லால் மேலும் தெரிவித்தார்.